|
1. |
|
|
|
|
2. |
|
|
|
|
3. |
|
|
|
|
4. |
|
|
|
|
5. |
|
|
|
|
6. |
|
|
|
|
7. |
|
|
|
|
8. |
|
|
|
|
9. |
|
|
|
|
10. |
|
|
|
|
11. |
|
|
|
|
12. |
|
|
|
|
13. |
|
|
|
|
14. |
|
|
|
about
O obxectivo destes debates é desenvolver un proxecto reflexivo sobre o valor crítico dos Bens Culturais, a súa formulación, conservación e a súa protección. Por tal motivo se realizaron os encontros O valor crítico dos Bens Culturais (2008) e A situación actual do Patrimonio Cultural en Galicia, material para un debate (2011), e agora o proceso retómase coa celebración de debates monográficos sobre o Patrimonio Cultural Galego, nos que se afondará no Patrimonio Espiritual como posición entre o Patrimonio Inmaterial e o Patrimonio Material, e outro sobre a autenticidade e as boas prácticas na conservación do patrimonio cultural, os inventarios e os catálogos, entendidos estes como ferramentas para a conservación e a protección do patrimonio.
Ambas xornadas pretenden dar canle á demanda crecente que se está dando na Galicia actual sobre un debate público respecto ao patrimonio cultural e a súa conservación e que vén orixinada nuns casos pola situación na que se atopan as ferramentas de salvagarda do patrimonio moble e inmoble (inventarios e catálogos), e noutros casos polo acicate positivo que supuxeron dous acontecementos político-administrativos: a declaración do primeiro Ben de Interese Cultural Inmaterial para a figura do artista, escritor e político D. Daniel Rodríguez Castelao, e a elaboración do borrador de proposta do Panteón de Galicia, que abre e/ou continúa a idea do Panteón de Galegos Ilustres ou, o que é máis singular, lle da corpo á idea da figura do Galego Sobranceiro –de interese para Galicia-, que é, ou pode ser, percibido, recoñecido, acollido e evocado polo imaxinario colectivo como símbolo da identidade galega por medio da súa presenza nese Panteón. Ámbalas dúas situacións son as que dan inicio á presente rolda de debates, e serán as que dinamizarán e darán un fío de continuidade para estes e para debates posteriores.
Participantes:
Alfonso Á. Riveiro, María Diz, Gonzalo Borrás Gualis, Gema Carrera Díaz, Ignacio Cerrada, Silvia Fernández Cacho, Román Fernández-Baca Casares, Marcial Gondar, Luis Pablo Martínez, Tomás Rodríguez Fernández, María Pía Timón Tiemblo, María García Alén, Iago Seara
credits
released May 11, 2012
SECCIÓN DE PATRIMONIO E BENS CULTURAIS
VENRES 11 E MARTES 15 DE MAIO DE 2012
CONSELLO DA CULTURA GALEGA
Santiago de Compostela
license